Një mijë e 291 raste aktive me COVID-19

Në Kosovë, janë 1.291 raste aktive me COVID-19, nga 13 marsi kur janë shfaqur rastet e para me koronavirus numri i përgjithshëm i të prekurve ka qenë 16.345, prej tyre janë shëruar 14.405.

Prej sot në Qendrën e Mjekësisë Familjare 1, qytetarët e komunës së Prizrenit do të mund të bëjnë teste serologjike për COVID-19.

Këto teste që bëhen përmes gjakut, tregojnë nëse personi është ose ka qenë i infektuar me koronavirus dhe pasqyrojnë imunitetin e popullatës, që rrjedhimisht do të ndihmojnë në verifikimin e saktë të personave që janë infektuar me COVID-19.