Shqipëri

Colors: Purple Color

Drejtori Ekzekutiv për Shqipërinë në Bankën Botërore, Patrizio Pagano thotë se efektet e tërmetit do të kenë ndikim në ekonominë e vendit në aspektin afatshkurtër. Ndërsa ende pritet një vlerësim i dëmeve të shkaktuara nga tërmeti i 26 nëntorit, zoti Pagano thotë se Banka Botërore është gati të bëjë një livrim të shpejtë të dy huave që kapin një vlerë prej 100 milionë dollarësh dhe që do të përdoren sipas prioriteteve të qeverisë.

Ditën e djeshme u ekstradua nga Gjermania drejt vendit tonë 39-vjeçari Ylli Sela. Ky i fundit është arrestuar pasi akuzohet për veprën penale “Vjedhje me dhunë”. Gjykata e Lushnjës e ka dënuar me 3 vjet e 4 muaj burgim, ndërkohë i ka mbetur 1 vit e 4 muaj burg, për veprën penale “Vjedhje me dhunë” e kryer në bashkëpunim, mbetur në tentativë.

Një 35-vjeçar u kap me armë zjarri, drogë dhe municion luftarak, pas finalizimit të operacionit “Osumi”.

“Shtetasi A. M., 35 vjeç, banues në fshatin Nikollarë, Skrapar, pasi në kufi me Skraparin, shërbimet e Komisariatit të Policisë Përmet gjatë kontrollit të ushtruar ndaj këtij shtetasi i gjetën një armë zjarri tip pushkë 20, një armë gjahu pa leje, fishekë dhe një sasi lënde narkotike cannabis sativa rreth 2 kilogramë, të cilat u sekuestruan në cilësinë e provës materiale”- njofton policia.

Flash Lajme