Barcelona zyrtarizoi nënshkrimin me Antoine Griezmann, duke bërë të ditur se kanë paguar në La Liga shumën prej 120 milionë euro, aq sa ishte dhe klauzola e francezi. Por Los Blancos kanë reaguar duke kërkuar shifrën e 200 milionë eurove, pasi pretendojnë se marrëveshja është arritur më para.

“Antoine Griezmann, i përfaqësuar nga avokati i tij, është paraqitur në selinë e Ligës së Futbollit Profesional për të zgjidhur në mënyrë të njëanshme kontratën që lidh lojtarin me Atletico Madrid, pasi ka depozituar FC Barcelona në emër të lojtarit shumën prej 120 milionë euro.

Atletico Madrid e konsideron të pamjaftueshme shumën e depozituar për të aktivizuar klauzolën e largimit, për shkak të kompromisit që lojtari dhe Barcelona kanë arritur para se klauzola të ulet nga 200 milionë në 120 milionë. Marrëveshja mes tyre ishte edhe para datës në të cilën klauzola u ndryshua në komunikimin që lojtari bëri më 14 maj duke njoftuar largimin e tij nga klubi.

Atlético Madrid beson se përfundimi i kontratës ka ndodhur para fundit të sezonit të kaluar për shkak të ndodhive, akteve dhe demonstrimeve të kryera nga lojtari dhe prandaj ai ka filluar procedurat që ai e konsideron të përshtatshme për mbrojtjen e të drejtave dhe interesave të tij legjitime”, përfundoi deklarata e Atleticos.

Flash Lajme