Presidenti i Kosovës Hashim Thaçi në deklarimin e tij të pasurisë në Agjencinë Antikorrupsion ka deklaruar se ka në dy banka të kursyera mbi 10 mijë euro ndërsa merr pagë vjetore 33 mijë e 282 euro si president.

Thaçi ka deklaruar para të kursyera në emër të bashkëshortes mbi një mijë euro ndërsa 13 mijë e 500 euro në emër të djalit të tij Endritit.

Presidenti ka deklaruar se posedon një shtëpi në vlerë 350 mijë euro për të cilën ka thënë se nuk e ka paguar ende, një shtëpi në fshat në vlerë 80 mijë euro si dhe 7 hektarë tokë po ashtu në fshat në vlerë 180 mijë euro.

Thaci ka deklaruar edhe një veturë e markës Audi Q5 në emër të gruas së tij në vlerë 15 mijë euro.

Bashkëshortja e Thaçit merr pagë vjetore prej 19 mijë e 200 euro nga Universiteti i Mitrovicës ku edhe ligjëron.

Flash Lajme

Më të lexuarat