Kurti suksese Dugollit në angazhimin e tij në këtë ministri

Kurti suksese Dugollit në angazhimin e tij në këtë ministri

Kryeministri i Kosovë, Albin Kurti, ka emëruar sot, Enver Dugollin, zëvendësministër në Ministrinë e Mbrojtjes.

Kryeministri Kurti i ka uruar punë të mbarë dhe suksese Dugollit në angazhimin e tij në këtë Ministri shumë të rëndësishme për vendin duke thënë se beson që këtë detyrë ai do ta kryejë me profesionalizëm të lartë.

“Enver Dugolli u lind më 27 janar 1963, në Nekoc të Drenicës. Studimet e nivelit master i Sociologjisë, i përfundoi në Universitetin e Prishtinës. Ai ka qenë i burgosur politik dy herë, në vitin 1981 dhe 1997. Në burgje të ndryshme i mban mbi 10 vite burg. Nga burgosja e dytë lirohet në vitin 2001. Ka shërbyer në Trupat e Mbrojtjes së Kosovës dhe Forcës së Sigurisë së Kosovës. Kreu detyra të rëndësishme ushtarake me gradën Kolonel. Pensionohet nga detyra e Atasheut Ushtarak në Tiranë me gradë Gjeneral në Pension. Në vitin 2019 ka botuar librin “QARK I (PA)MBYLLUR BURGJESH”. Aktualisht është anëtar i Komitetit Profesional për Mbrojtje e Siguri në Lëvizjen VETËVENDOSJE!”, thuhet në njoftimin e zyrës së kryeministrit./21Media

Flash Lajme

Më të lexuarat