Sheqeri i ngritur në organizëm është problem serioz mjekësor, i cili nuk bën të injorohet

Sasia e ngritur e sheqerit në gjak çon deri në diabet dhe komplikime të tij.

Pos kësaj, shkakton çrregullime në punën e mëlçisë dhe në sistemin urogjenital, shkakton çrregullime metabolike, sëmundje të lëkurës, zhvillim të kataraktit dhe patologji të zemrës.

Për këtë shkak është shumë me rëndësi të dallohen shenjat e hiperglikemisë dhe me kohë të shkohet te mjeku

Pa trajtim, niveli vazhdimisht i lartë i glukozës në gjak, mund të shkaktojë komplikacione serioze të shëndetit, përfshirë:

▪ Sëmundje të zemrës

▪ Goditje në tru

▪ Neuropati

▪ Sëmundje të veshkave

▪ Çrregullime të shikimit

▪ Urinim i shpeshtë, sidomos gjatë natës

▪ Tharje e gojës,

▪ Humbje e pashpjegueshme në peshë,

▪ Infeksione të përsëritura

▪ Lodhje

▪ Probleme seksuale

Kontrolli i nivelit të glukozës në gjak është kyç në parandalimin e disa prej komlikacioneve të sipër përmendura.

Ilaçet popullore të cilat mund të ulin sheqerin në gjak

Çaji nga fletët e dafinës
8 fletë dafine qitni në 300 ml ujë të vluar. Lërini të qëndrojnë 4 orë. Kulloni dhe pini nga gjysmë gote 3 herë në ditë gjatë 3 ditëve, pastaj bëni pauzë 2 javë.

Pija me kanellë
Një herë në ditë, më së miri në mëngjes, shtoni një lugë çaji kanellë në një filxhan kefir dhe pak yndyrë. Përzieni dhe pini në mëngjes. Kjo përzierje do të përmirësojë metabolizmin dhe do të ulë sheqerin.

Nëse nuk jeni tolerant ndaj produkteve të qumështit, kanellën qiteni në çaj apo në ujë të vakët. Më së miri është të përdorni shkoptha kanelle, t’i grini në rende dhe t’i qitni në pije.

Qulli i hikrrës me kefir
Hikrra përmban sasi të mëdha vitamine të grupit B, thartirë folike, fosfor, hekur dhe elemente të tjera në gjurmët të cilat ngopin organizmin dhe nuk ndikojnë në ngritjen e glukozës.

Për ta bërë ilaçin popullor nga hikrra, merrni disa lugë miell hikrre, qiteni në kefir dhe lëreni gjatë natës. Në mëngjes hani qullin tuaj në vend të kafjallit.

Pije nga fasulja e bardhë
Në mbrëmje qitni gjysmë gote ujë të ftohtë në të cilën do të shtoni tri kokrra fasuleje të bardhë. Në mëngjes hani fasulen dhe pini ujin. Një orë mos hani asgjë, pastaj hani kafjallin.

Duhet të dini që uthullën e mollës para se ta pini duhet patjetër të këshilloheni me mjekun para marrjes së kësaj pijeje.


Flash Lajme

Më të lexuarat