Përshtati në shqip: Sidorela ZHOLAJ

Aloe vera është quajtur si “bima e pavdekshmërisë”. Aloe vera është e dobishme kur trajtoni djegiet, aknet, strijat etj. Gjithashtu ka aftësinë për të ushqyer  dhe qetësuar lëkurën.

Ajo që është e mrekullueshme në lidhje me xhelin aloe është se ajo mund të aplikohet në lëkurën tuaj direkt pa u shqetësuar për ndonjë efekt anësor. Mund ta përzieni edhe me përbërës të tjerë nëse dëshironi të rrisni efikasitetin e tij. Nëse dëshironi të bëni disa receta  për kujdesin e lëkurës duke përdorur aloe vera, mund ti hidhni një sy rekomandimeve më poshtë.

Krem kundër plakjes për lëkurën e syve

Shenjat e plakjes zakonisht shfaqen rreth syve, kjo është një recetë e mirë për t’u provuar. Për këtë krem ​​sysh, do t’ju duhet një lugë gjelle xhel i pastër aloe vera dhe një kapsulë vitaminë E. Hapni kapsulën e vitaminës E duke përdorur një kunj dhe shtrydhni përmbajtjen në një tas të vogël. Shtoni xhel aloe vera në të dhe përziejeni siç duhet duke përdorur një lugë. Vendosni një sasi të vogël të përzierjes në lëkurën rreth syve tuaj. Përsëriteni çdo natë para se të shtriheni për të fjetur.

Krem fytyre me aloe vera

Një mënyrë tjetër për të përdorur aloe vera është si një krem ​​fytyre. Në këtë recetë, do t’ju duhet një filxhan xhel aloe vera, 2 lugë gjelle vaj jojoba, 5 deri në 8 pika vaj esencial sipas zgjedhjes suaj, gjysmë filxhan vaj kokosi dhe 1.5 lugë gjelle hoje dylli. Për të filluar, do t’ju duhet të ngrohni dyllin e bletës, vajin e jojobës, si dhe vajin e kokosit në një enë ,e përzieni herë pas here derisa përbërësit të treten së bashku. Hidheni në një blender qelqi dhe lëreni të ftohet plotësisht. Vendoseni blenderin në fuqi të ulët përzierjeje dhe derdhni ngadalë xhelin e aloe verës. Ndaloni herë pas here për të lënë përbërësit të përzihen. Vazhdoni derisa të merrni një strukturë të lehtë dhe kremoze. Pasi të jetë shtuar dhe përzier aloe në mënyrën e duhur, mund të shtoni vajra esencialë.

Maskë aloe vera, mjaltë dhe ujë trëndafili

Një mënyrë tjetër për të përdorur aloe vera është të krijoni një maskë fytyre për të parandaluar aknet. Në këtë recetë, sigurohuni që të përdorni mjaltë të papërpunuar pasi do t’ju ndihmojë të qetësoni lëkurën tuaj. Do t’ju duhet një lugë gjelle  me xhel të pastër aloe vera dhe mjaltë i papërpunuar organik, si dhe 1 deri në 2 lugë çaji me ujë trëndafili ose lëng organik limoni nëse nuk keni ujë trëndafili të disponueshëm. Merrni një tas të vogël dhe përzieni të gjithë përbërësit në të derisa të krijoni një pastë të butë. Vendoseni më pas në fytyrën tuaj dhe lëreni të veprojë për 20 minuta. Shpëlajeni më pas duke përdorur ujë të ngrohtë. Kjo maskë këshillohet të bëhet të paktën tri herë në javë për të zvogëluar efektet e akneve.

Këto janë vetëm disa shembuj të recetave të aloe verës që mund të përgatisni për të ndihmuar lëkurën tuaj të duket dhe të mbetet e shëndetshme. E mrekullueshme për aloe vera është se është plotësisht e sigurt për t’u përdorur dhe që ju mund t’i përsërisni këto receta sa herë të doni. Nëse do të kuroni puçrra, duke qetësuar lëkurën tuaj të irrituar, ose thjesht doni ta mbani lëkurën tuaj të butë dhe të shëndetshme, të gjitha këto janë zgjedhje të shkëlqyeshme për t’u përdorur.


Flash Lajme

Më të lexuarat