Një ish detektiv në Departamentin e Policisë në Los Angeles, i cili ka punuar në çështjen e vrasjes së Tupac, u ka kërkuar policëve që të arrestojnë gangsterin Keffe D për vdekjen e reperit – duke e quajtur atë një “vrasës të vetë-rrëfyer”.

Greg Kading thotë se policia e Las Vegas thjesht duhet të arrestojë anëtarin e njohur të bandës Keffe D Davis, 56 vjeçar, i cili ka pranuar në polici, në dokumentarë dhe në një libër tronditës, se ai ishte bashkëpunëtor kur nipi i tij Orlando Anderson qëlloi Tupac.

Greg, 56 vjeçar, tha: “Keffe D duhet të arrestohet. Keffe D është një vrasës i vetërrëfyer.

Keffe D ka rrëfyer për rolin e tij në vrasjen e Tupacit disa herë.
“Ai ka rrëfyer shumë herë publikisht për rolin e tij në vrasjen e Tupac. Dhe unë nuk mund të mendoj për asnjë rast në historinë e krimit amerikan, ku një vrasës i vetërrëfyer lejohet të vazhdojë të flasë me zë të lartë për përfshirjen e tij në një krim. Është e paprecedentë.

“Unë nuk kam një agjendë ndaj tij, por ai ka folur tani publikisht për rolin e tij në vrasjen e Tupac. Ai ka pranuar se mori armën e dorës Glock nga Anderson. Rrëfimi i tij, i cili është vërtetuar, është më se i mjaftueshëm për ta arrestuar atë dhe zgjidhur çështjen dhe për t’i dhënë fund një hetimi të pazgjidhur. Policia e Las Vegasit duhet ta arrestojë atë.


Flash Lajme

Më të lexuarat